Հյուրանոցների եւ ավիատոմսերի ամրագրման Orbitz ծառայությունը պարզել է ինքնուրույն ճանապարհորդող զբոսաշրջիկների համար լավագույն քաղաքները: 12 բնակավայրերից բաղկացած ցանկը գլխավորում է Դուբլինը, հայտնում է eTurboNews-ը:
Իռլանդացիները հայտնի են ընկերասիրությամբ, իսկ Դուբլինը՝ իր փաբերով: Այդ պատճառով Դուբլին ժամանող զբոսաշրջիկը կարող է արագ ընկերներ գտնել, ասված է կայքում:
Վարկանիշի երկրորդ տեղում է Բանգկոկը: Թայվանական քաղաքը անծանոթներին հրապուրում է Կաոսան փողոցով, որը հայտնի է գրախանութներով, դաջվածքի սրահներով եւ տարբեր ապրանքներով լի տաղավարներով:
Լավագույն եռյակը եզրափակում է նորզելանդական Քուինսթաուն հանգստավայրը, որը հայտնի է որպես Նոր Զելանդիայի արկածների մայրաքաղաք:
Չորրորդ հորիզոնականում հայտնված Նյու Յորքը զբոսաշրջիկներին հրապուրում է համաշխարհային մակարդակի թանգարաններով, թատրոններով («Բրոդվեյ») եւ հայտնի տեսարժան վայրերով, ինչպիսին Թայմս Սքվերն է:
Բալի կղզու Ուբուդ քաղաքը եզրափակում է լավագույն հնգյակը: Քաղաքը զբոսաշրջիկներին հրապուրում է յոգայով, մեդիտացիայով եւ սպա-պրոցեդուրաներով:
Վարկանիշային տասնյակում են Իսլանդիայի մայրաքաղաք Ռեյկյավիկը, Փարիզը, Հոնկոնգը, Անտիգուա-Գվատեմալա, Լավագույն տասնյակը եզրափակում է Վիեննան:
11-րդ տեղում է Կանադայի Վանկուվեր քաղաքը: Վարկանիշը եզրափակում է Կոստա Ռիկայի մայրաքաղաք Սան Խոսեն: