Հոկտեմբերի 1-ին Ժնեւում կայացել է Ադրբեջանի ԱԳ փոխնախարար Խալաֆ Խալաֆովի եւ ՄԱԿ-ի Եվրոպական տնտեսական հանձճաժողովի քարտուղար Յան Կուբիշենի հանդիպումը:
«Փոխարտգործնախարարը ՄԱԿ-ի Եվրոպական տնտեսական հանձնաժողովի քարտուղարին ներկայացրել է ադրբեջանական կողմի անհանգստությունը՝ Հայաստանում Մեծամոր ատոմակայանի հիման վրա նոր ատոմակայան կառուցելու առնչությամբ, ինչը կարող է լրջորեն սպառնալ տարածաշրջանի բնապահպանությանը եւ տնտեսական վիճակին»,-հանդիպմանն ասել է ադրբեջանցի պաշտոնյան։ Իսկ թե կոնկրետ ինչո՞ւմն է սպառնալիքը, եթե հաշվի առնենք, որ սրանով ամրանում է Հայաստանի էներգետիկ անկախությունը, ադրբեջանցի պաշտոնյան չի նշել։