2015-ին «Հարավկովկասյան երկաթուղի » ՓԲԸ-ն 102 տոկոսով կատարել է իր ներդրումային պարտավորությունները: Այս մասին մայիսի 30-ին՝ խորհրդարանում 2015-ի բյուջեի կատարողականը ներկայացնելիս, ասել է տրանսպորտի եւ կապի փոխնախարար Արթուր Առաքելյանը:
Նրա խոսքով՝ դա տեղի է ունեցել չնայած այն հանգամանքին, որ 2015-ին Հայաստանում երկաթուղային բեռնափոխադրումները կրճատվել են մոտավորապես 19 տոկոսով: Սակայն պետք չէ դա վերագրել երկաթուղուն, քանի որ ավտոմոբիլային փոխադրումները նույնպես համապատասխան չափով կրճատվել են: «Պլանային վնասով ուղեւորատար փոխադրումները ծածկելու համար Հայաստանի բյուջեից դոտացիաները կազմել են 580 մլն դրամ: Ուղեւորատար երկաթուղային փոխադրումները վնասով են աշխատում շատ երկրներում», - նշել է փոխնախարարը: