Երեխաների պաշտպանության միջազգային օրվա կապակցությամբ Ամերիաբանկը 4-8 տարեկան երեխաների համար նախաձեռնել է Amerianews-Kids միջոցառումը, որը կվարի բոլորի կողմից սիրված դերասան Մկրտիչ Արզումանյանը, նույն ինքը՝ Մկոն:

Միջոցառման նպատակն է երեխաների համար իրենց տոնը դարձնել հիշարժան եւ հնարավորություն տալ իրենց կարծիքն արտահայտել մեծերին հուզող հարցերի վերաբերյալ, ինչպես նաեւ թղթի վրա պատկերել Հայաստանի ապագան այնպիսին, ինչպիսին տեսնում են իրենց մանկական գունեղ երեւակայությամբ:

Միջոցառումը տեղի կունենա հունիսի 1-ին, Երեւանի Շառլ Ազնավուրի անվան հրապարակում («Մոսկվա» կինոթատրոնի դիմաց), ժամը 12:00-20:00-ն ընկած ժամանակահատվածում:

Միջոցառման ընքացքում անցկացվելու է երկու մրցույթ՝ «Իմ ապագա Հայաստան» խորագրով նկարչական եւ Amerianews-Kids Casting հաղորդավարի մրցույթ:

Նկարչական մրցույթի ընթացքում փոքրիկների նկարած աշխատանքները անանուն կհրապարակվեն Ամերիաբանկի facebook-յան էջում եւ լավագույն 5 նկարների հեղինակները կստանան անակնկալ նվերներ: Նշենք, որ տվյալ նկարների 2 հեղինակ ընտրվելու է Ամերիաբանկի կողմից, իսկ 3-ը`կլինեն առավելագույն «Like» ունեցող աշխատանքները: Նկարչական մրցույթի արդյունքները կամփոփվեն ՀՀ Սահմանադրության օրը` ս.թ. հունիսի 5-ին:

Amerianews-Kids Casting հաղորդավարական մրցույթի ընթացքում երեխաներից հարցազրույց կվերցնի Մկրտիչ Արզումանյանը եւ հենց նա էլ կընտրի ամենաակտիվ ու անկաշկանդ 8 փոքրիկի, որոնք հետագայում կվարեն Amerianews-Kids հաղորդումը: Amerianews-Kids Casting-ի արդյունքները կամփոփվեն հունիսի 15-ին եւ կհրապարակվեն Ամերիաբանկի facebook-յան պաշտոնական էջում եւ Ամերիա ընկերությունների խմբի www.amerianews.am կայքում:

Միջոցառումն ուղիղ հեռարձակմամբ հասանելի կլինի Ամերիաբանկի YouTube պաշտոնական էջում: Միջոցառման մասնակցությունն անվճար է: