Մայիսի 30-ին, ժամը 18.15-ին, ոստիկանության Երեւան քաղաքի վարչության գրպանահատության դեմ պայքարի բաժանմունքի ծառայողները Երեւանի Կոմիտասի պողոտայի եւ Վաղարշյան փողոցի խաչմերուկի մոտից բերման են ենթարկել 25-ամյա Արմեն Հ.-ին:
Ոստիկանության մամուլի ծառայությունից NEWS.am-ին հայտնում են, որ նա թիվ 37 երթուղու ավտոբուսում 56-ամյա Վարդան Ս.-ի գրպանից գողացել էր դրամապանակը՝ գումարով, բանկային քարտով եւ փաստաթղթերով, իսկ երբ ավտոբուսից իջել ու փորձել էր հեռանալ՝ բռնվել էր ոստիկանության ծառայողների կողմից:
Գողոնն առգրավված է:
Կատարվում է հետաքննություն: