Երեւանում եղբայրները ավազակային հարձակում են արել:
Ոստիկանությունը հաղորդում է, որ ավազակային հարձակումը տեղի է ունեցել մայիսի 2-ին:
Մինչեւ այդ գողությունը կատարած տղաներից մեկը զանգահարել է տուժողին, ասել, որ նա իր քրոջը անհանգստացրել է, պետք է հանդիպեն: Հանդիպել են, տղաները ասել են տուժողին, որ աղջիկը բարերից մեկում իրենց է սպասում: Մեքենայով ճանապարհ են ընկել, Նուբարաշենի տարածքում տուժողին իջեցրել են, դանակի սպառնալիքով գողացել նրա ոսկյա շղթան, բջջային հեռախոսը եւ մոտը եղած գումարը:
Տղաները դիմել են փախուստի: Ոստիկանությունը բացահայտել է գողությունը եւ գողոնը վերադարձրել: Գողությունը կատարելու մեղադրանքով կալանավորվել են Ռազմիկ ու Ժիրայր Հայրապետյան եղբայրները՝ 1995թ. եւ 1996թ. ծնված:
