Փարիզի իշխանությունները հուլիսի 1-ից արգելք են սահմանում մինչեւ 1997 թվականը գրանցված մեքենաները եւ 2000 թվականից վաղ գրանցված մոտոցիկլերը քաղաքի կենտրոնում վարելու վրա, գրում է Le Monde-ն:
Արգելքը վերաբերում է բենիզինի եւ դիզելի շարժիչով մեքենաներին, ինչպես նաեւ թեթեւ առեւտրային մեքենաներին՝ մինչեւ 3.5 տ քաշով: Այդ մեքենաներին կարգելեն ժամը 8:00-ից 20:00-ն քաղաքի կենտրոնում լինել:
Նշենք, որ մինչեւ 2001-ը գրանցված ավտոբուսներին եւ բեռնատարներին արգելել էին քաղաքով երթեւեկել դեռ անցյալ տարվա սեպտեմբերից:
Իշխանություններն այդ կերպ ուզում են իջեցնել վնասակար նյութերի արտանետումների քանակը: