Դեկտեմբերի 1-2-ին Ղազախստանի մայրաքաղաք Աստանայում կայանալիք ԵԱՀԿ գագաթաժողովում Հայաստանի եւ Թուրքիայի նախագահներ Սերժ Սարգսյանի ու Աբդուլահ Գյուլի միջեւ հանդիպում այս պահի դրությամբ նախատեսված չէ: Այս մասին հայտնել է Հայաստանի նախագահ Սերժ Սարգսյանի մամուլի քարտուղար Արմեն Արզումանյանը, մեկնաբանելով նման հանդիպման մասին թուրքական մամուլում հայտնված տեղեկությունները:
«Այս պահին նման հանդիպում նախատեսված չէ: Սակայն նման շփումների հնարավորությունը տեսականորեն բացառել չի կարելի: Հայաստանի Հանրապետության նախագահը հայ-թուրքական հարաբերություններին առնչվող իր ելույթներում բազմիցս նշել է, որ մենք կդիտարկենք առաջ շարժվելու հարցը, երբ համոզվենք, որ Թուրքիայում կա համապատասխան մթնոլորտ եւ երբ Անկարայում կտեսնենք հարաբերությունների կարգավորմանը վերստին պատրաստ առաջնորդություն»,- ասել է Ա. Արզումանյանը:
