Եթե Բաղդասարովը ցանկանում է օգնել Հայաստանին, թող չխառնվի մեր գործերին: Այս մասին NEWS.am-ի թղթակցի հետ զրույցում ասել է ՀՅԴ Հայ դատի եւ քաղաքական հարցերի գրասենյակի պատասխանատու Կիրո Մանոյանը՝ մեկնաբանելով ՌԴ պետդումայի միջազգային հարցերի հանձնաժողովի անդամ Սիմիոն Բաղդասարովի հայտարարությունը, որով նա Վրաստանին մեղադրել է «ազգային եւ կրոնական փոքրամասնությունների նկատմամբ թշնամական քաղաքականություն» վարելու մեջ եւ առաջարկել է Աբխազիա-Փոթի-Աջարիա-Ջավախք միջանցք կառուցել:
«Արդեն իսկ ստորագրվել է միջպետական համաձայնագիր Հայաստանի եւ Վրաստանի միջեւ՝ ճանապարհ կառուցելու մասին, կողմերը դիմել են Միջազգային զարգացման բանկին եւ այդպես շարունակ: Չգիտի, թող քիթը չխոթի»,-խորհուրդ տվեց Մանոյանը:
