ՌԴ ԱԳՆ-ի պաշտոնական ներկայացուցիչ Մարիա Զախարովան հորինվածք եւ հիմարություն է կոչել Անկարայի հայտարարությունները Ռուսաստանի կողմից Քուրդիստանի բանվորական կուսակցությանը (ՔԲԿ) զենքի մատակարարումների վերաբերյալ. նրա խոսքով, ՌԴ-ն, ի տարբերություն Թուրքիայի, չի զբաղվում զենքի անօրինական մատակարարումներով:
«Իհարկե Անկարայի այդ բոլոր հայտարարությունները հերթական հորինվածքն են, այդ ամենը հիմարություն է եւ իրականության հետ ընդհանուր ոչինչ չունի: Ի տարբերություն Թուրքիայի, Ռուսաստանը չի զբաղվում զենքի եւ սպառազինության անօրինական մատակարարումներով», —ճեպազրույցին նշել է Զախարովան, հայտնում է «ՌԻԱ Նովոստին»: