Թուրքիայի քրդական «ժողովուրդների դեմոկրատական» (HDP) կուսակցության առաջնորդ Սելահաթին Դեմիրթաշը արձագանքել է Գերմանիայի խորհրդարանի կողմից Հայոց ցեղասպանությունը ճանաչող բանաձեւին։
Թուրքական Diken պարբերականի փոխանցմամբ՝ HDP–ի առաջնորդ Սելահաթին Դեմիրթաշը նշել է, թե Գերմանիայի կողմից ընդունված Հայոց ցեղասպանությունը ճանաչող բանաձեւը Թուրքիայի համար պատժամիջոց չէ։ «Այդ որոշումը 100 տարի ուշացած որոշում է։ Հիմա էլ Թուրքիայում քրդերին են ցեղասպանության ենթարկում։ Եթե Գերմանիան սրա հետ կապված 100 տարի հետո որոշում կայացնի, դա իմաստ չի ունենա»,–ասել է Սելահաթին Դեմիրթաշը։
Նշենք, որ HDP–ն Թուրքիայի խորհրդարանի միակ կուսակցությունն է, որը պաշտոնապես ճանաչում է Հայոց ցեղասպանությունը։
