Անցած շաբաթ Բունդեսթագում ընդունված՝ Հայոց ցեղաասպանության ճանաչման մասին բանաձեւը,ի թիվս այլ հարցերի, ենթադրում է նաեւ քննարկում Թուրքիայի հասարակությունում ու Թուրքիայի իշխանությունների հետ: Այս մասին լրագրողների հետ զրույցում ասել է Հայաստանում Գերմանիայի դեսպան Մաթիաս Քիսլերը, պատասխանելով բանաձեւի ընդունմանը Անկարայի արձագանքի մասին հարցին:
Միաժամանակ, գերմանացի դիվանագետի կարծիքով, բանաձեւի ընդունման նպատակն է աշխուժացնել Ցեղասպանության խնդրի շուրջ երկխոսությունը, այդ թվում Հայաստանի ու Թուրքիայի միջեւ:
Հիշեցնենք, որ հունիսի 2-ին Բունդեսթագի անդամները հաստատել են Հայոց ցեղասպանության ճանաչման մասին բանաձեւը: Բանաձեւում «101 տարի առաջ Օմանյան կայսրությունում հայերի ու այլ քրիստոնյա փոքրամասնությունների ցեղասպանության մասին» բանաձեւում նշվում է, որ Գերմանիայի կառավարությունն ընդունում է պատասխանատվության իր մասնաբաժինը այդ պատմական իրադարձություններում ու 1915-ի ողբերգական իրադարձությունները՝ հայերի զանգվածային աքսորն ու սպանությունները ցեղասպանություն ճանաչում: