Մոսկվայում հունիսի 9-10-ին տեղի է ունեցել ԱՊՀ երկրների քրեակատարողական ծառայության ղեկավարների խորհրդի առաջին նիստը, որին մասնակցել է նաեւ Հայաստանի պատվիրակությունը՝ ՀՀ ԱՆ քրեակատարողական վարչության պետ, գեներալ-մայոր Արթուր Օսիկյանի գլխավորությամբ:
Նախարարությունից NEWS.am-ին հայտնում են, որ ԱՊՀ անդամ երկրների քրեակատարողական ծառայության ղեկավարների խորհրդի նիստում ընդունվել են մի շարք որոշումներ, այդ թվում` խորհրդի նախագահ ընտրելու, քարտուղարության ղեկավար նշանակելու եւ նիստերի անցկացման օրակարգը հաստատելու մասին:
Նիստի ավարտին խորհրդի քարտուղարին հանձնարարվել է մինչեւ 2016թ-ի հոկտեմբերի 1-ը անդամ երկրների քրեակատարողական ծառայությունների հետ համատեղ նախապատրաստել եւ խորհրդի հաստատմանը ներկայացնել ԱՊՀ անդամ երկրների քրեակատարողական ծառայությունների ղեկավարների խորհրդի 2016-2017թթ. աշխատանքային գործունեության պլանը: