Auto Express-ի տրամադրության տակ են հայտնվել նոր սերնդի SsangYong Rexton ամենագնացի դիզայնը ցուցադրող առաջին լուսանկարները: Նորույթի հրապարակային պրեմիերան կայանալու է աշնանը, Փարիզի ավտոսրահում:
Ըստ Motor-ի, ներկայում մոդելը հայտնի է Y400 ներքին անվանումով: Դատելով լուսանկարներից՝ ամենագնացի արտաքինում օգտագործվել են LIV-1 կոնցեպտուալ մեքենայի ոճային առանձնահատկությունները, որը ներկայացվել է 2013 թվականին, Սեուլում:
Նոր սերնդի SsangYong Rexton-ը 2.2 լիտր ծավալով 178 ձիաուժ հզորությամբ դիզելային շարժիչ կունենա: Այն նաեւ «մերսեդեսյան» յոթ աստիճանանոց ավտոմատ փոխանցման տուփ կունենա:
Բացի այդ, մեքենան կառաջարկվի 2 լիտր ծավալով բենզինե շարժիչով, որը կաշխատի Mercedes-Benz-ի ութ աստիճանանոց ավտոմատ փոխանցման տուփի հետ: