«Հայաստանի Էլցանցերը» ցանկանում են 2016-17 թթ-ին ցանցում կորուստները նվազեցնել մինչեւ 11,03 տոկոս: Այդ մասին ասված է «Էլեկտրացանցերի» 2016-17 թթ-ի սակագնային սեզոնում (օգոստոսից հուլիս) սակագնային մարժայի հաշվարկում, որը հրապարակել է Հանրային ծառայությունների կարգավորման հանձնաժողովը:
Նշենք, որ «Էլցանցերի» սեփականատիրոջ փոփոխությունից հետո (ռուսաստանյան ՌԱՕ –ից ռուսաստանյան «Տաշիր Գրուպ»-ին, 2015-ի հոկտեմբերին), 2016-ի սկզբին ցանցերում տեխնոլոգիական կորուստները 12,73 տոկոսից նվազել են մինչեւ 11,1 տոկոս: Մի քանի տարվա ընթացքում առաջին անգամ կորուստները Հանրային ծառայությունների կարգավորման հանձնաժողովի նորմատիվից (11,27 տոկոս) ցածր են եղել: