Մեքսիկայի իշխանությունները երկու վենեսուելցի զինվորականներին են ձերբակալել, որոնք օդանավով 600 կգ կոկաին էին տեղափոխում, հայտնում է «Ռոյթեր» գործակալությունը՝ վկայակոչելով երկրի դատախազությունը:
Գործակալության տվյալներով, երկու զինվորականներ փորձել են կոկաինի խոշոր խմբաքանակ տեղափոխել երկրի խոշորագույն ավիաընկերության՝ Aeromexico-ի օդանավով, որը Վենեսուելայի մայրաքաաք Կարակասից Մեխիկո էր թռչում: Նրանցից բացի ձերբակալվել են Կարակաս օդանավակայանի ութ աշխատակիցներ: Թմրանյութերը առգրավվել են:
Վենեսուելայի ցամաքային ու օդային տարածքը միջազգային թմրակարտելները օգտագործում են Հարավային Ամերիկայից թմրանյութերը ՝ առաջին հերթին կոլումբիական կոկաինը ԱՄՆ տեղափոխելու համար: Վերջին տարիներին երկրի ՌՕՈւ-երին թույլատրել են խոցել թմրամաֆիայի օդանավերը, հայտնում է «ՌԻԱ Նովոստին»:
