Երեւանի Դավիթ Բեկ փողոցում, այսօր՝ հունիսի 20-ի առավոտյան ժամը 08.40-ի սահմաններում, հրդեհ է բռնկվել Հայաստանի ՊՆ-ին պատկանող զինվորական հետեւակի մարտական մեքենայում:
NEWS.am-ին ԱԻՆ մամուլի ծառայությունից տեղեկացրին, որ այրվել է զինվորական մեքենայի շարժիչը: Դեպքի վայր մեկնած հրշեջները մեքենայի շարժիչում առաջացած հրդեհը ժամանակին կարողացել են մարել: Տուժողներ չկան:
Դեպքի վայր են ժամանել նաեւ եւս մի քանի հետեւակի մարտական մեքենաներ: