Քաղաքական գործիչ Բորիս Նեմցովը 2015-ի փետրվարին Մոսկվայի կենտրոնում գնդակահարվել էր փաստացիորեն ինքնաշեն զենքից, որը հավաքվել էր արհեստագործական պայմաններում, արտասահմանից բերված դետալներից, հայտնում է «ՌԻԱ Նովոստին»` վկայակոչելով Ռուսաստանում Անվտանգության դաշնային ծառայությանը (ԱԴԾ):
Հաղորդագրության մեջ նշվում է, որ զենքի անօրինական շրջանառության դեմ պայքարի ոլորտում խնդրահարույց հարցերից մեկն անօրինական շուկայում «այսպես կոչված զանգվածագաբարիտային մակետներից (ԶԳՄ) պատրաստված զենքի պահանջարկի աճի միտումն է, ինչպես նաեւ քաղաքացիական զենքի, որի բաղադրիչ մասերը նույնական են իրենց մարտական նմանակի հետ»:
Միաժամանակ հատուկ ծառայությունն ընդգծում է, որ վերջին տարիներին ավելացել է «արտասահմանից, նախ եւ առաջ` Ուկրաինայից Ռուսաստան ԶԳՄ-ի մաքսանենգ մատակարարման հոսքը»: Հաղորդագրության մեջ ասվում է, որ տվյալ մակետները որպես կանոն «խնայող ապաակտիվացիա ունեն», որը թույլ է տալիս «արհեստագործական» պայմաններում վերականգնել մարտական բնութագրերը:
ԱԴԾ-ի տվյալներով, հենց նման զենք է 2014-ին օգտագործվել այսպես կոչված ԳՏԱ-ի ավազակախմբի կողմից, որը մի շարք սպանություններ էր կատարել Մոսկվայի շրջանում, իսկ 2015-ին` Բորիս Նեմցովի սպանության ժամանակ: