Սարգսյան-Ալիեւ հանդիպումն անցել է կառուցողական մթնոլորտում։ Այս մասին Սանկտ Պետերբուրգում լրագրողների հետ ճեպազրույցում հայտարարեց Հայաստանի ԱԳ նախարար Էդվարդ Նալբանդյանը, հաղորդում է Panorama.am-ը:
«Այսօրվա հանդիպումը բավական օգտակար էր, եւ, որոշ զգուշավորությամբ, կարող եմ ասել՝ կառուցողական մթնոլորտում էր: Որոշ հարցերի շուրջ նախագահներն ըմբռնման եկան, որ եթե այդ հարցերի շուրջ պայմանավորվածություն լինի, ապա հնարավոր կլինի բանակցային գործընթացն առաջ շարժել դեպի հիմնախնդիր կարգավորման առաջընթացի: Այս մասին նշված է նաեւ նախագահների կողմից արված հայտարարության մեջ»,- ասել է նա։
ԱԳ նախարարի փոխանցմամբ՝ պայմանավորվածություն է ձեռք բերվել շարունակել հանդիպումները ինչպես երկու երկրների նախագահների, այնպես էլ ԱԳ նախարարների մակարդակով:
«Այս ողջ գործընթացն ընթանալու է ԵԱՀԿ ՄԽ եռանախագահների ձեւաչափով»,-հավելեց Նալբանդյանը: