ԱՄՆ նախագահ Բարաք Օբաման Վաշինգթոնում գործարարների հետ հանդիպման ժամանակ կատակել է, թե ուզում է փորձել LinkedIn կայքով աշխատանք գտնել, հայտնում է The Hill–ը։
«7 ամսից կամ մոտավորապես այդքան ժամանակ հետո ես կհայտնվեմ աշխատանքի բորսայում եւ շատ ուրախ եմ դրա համար։ Ես պատրաստվում եմ օգտվել LinkedIn–ից եւ տեսնել, թե ինչ կստացվի»,– ասել է նա։
Նշենք, որ 2016-ի փետրվարին Օբաման LinkedIn–ում որպես առաջին աշխատանք էր նշել պաղպաղակ վաճառողի օգնականի աշխատանքը, որից, նրա խոսքով, ինքը որոշ արժեքավոր եզրակացություններ է արել։
