Աշխատանքի չներկայացող Ազգային Ժողովի պատգամավորների աշխատավարձերից պահումներ կլինեն: Այս մասին այսօր` հունիսի 20-ին, լրագրողների հետ հանդիպմանն ասաց ԱԺ փոխնախագահ Էդուարդ Շարմազանովը` անդրադառնալով Ազգային Ժողովի նախագահ Գալուստ Սահակյանի այն հայտարարությանը, թե ԱԺ պատգամավոր Գագիկ Ծառուկյանը աշխատավարձ չի ստանա` ՀՀ Ազգային ժողովի 5-րդ գումարման 9-րդ նստաշրջանի նիստերին չներկայանալու համար:
«Բոլոր այն պատգամավորները, որոնք անհարգելի չեն գալիս աշխատանքի, նրանց բոլորի աշխատավարձերից պահումներ են լինում: Դա կլինի Գալուստ Սահակյանը, Էդուարդ Շարմազանովը, թե ձեր նշած անձնավորությունը, աշխատավարձերից պահվում է: Իսկ Գալուստ Սահակյանի գործողությունները, բնականաբար, չեմ մեկնաբանի, որովհետեւ ինքն իմ ղեկավարն է եւ ինքն ամբողջական պատասխանը տվել է»,-ասաց նա:
Ավելի վաղ տեղեկացրել էինք, որ ԱԺ նախագահ Գալուստ Սահակյանը ԱԺ-ում լրագրողների հետ զրույցում նշել է, որ ԱԺ նստաշրջանի նիստերին չներկայանալու համար ԱԺ ԲՀԿ խմբակցության պատգամավոր Գագիկ Ծառուկյանն աշխատավարձ չի ստանա:
