ՌԴ Յակուտիայի Հանրապետության Ուստ Ալդանի շրջանի Ալդան գետում փրկարարները գտել են գետում նավաբեկության ժամանակ անհետ կորած 2 մարդու դի: Այս մասին ասված է ՌԴ ԱԻՆ տարածաշրջանային վարչության կայքում:
«Հունիսի 21-ի երեկոյան փրկարարները հիդրոլոկատորի օգնությամբ գտել են 2 կորածների եւ դուրս բերել ջրից»,- ասված է հայտարարության մեջ, փոխանցում է RIA Novosti-ն:
Շրջանի «Օսպեխսկի Նասլեգ» համայնքային ղեկավար Անատոլի Ռումյանցեւի եւ նրա կնոջ դիակները գտնելու փաստը հաստատել են Յակուտիայի փրկարար ծառայությունից՝ նշելով, որ ինքնության ճանաչմամբ պաշտոնապես զբաղվում է հետաքննությունը:
Հիշեցնենք, որ Ուստ Ալդանի շրջանում հունիսի 20-ին 6 հոգու տեղափոխող մոտորանավակ էր կողաշրջվել: 4 հոգի ինքնուրույն ափ էին դուրս եկել, երկուսն անհետ կորած էին համարվում: