ՌԴ կառավարությունում հունիսի 22-ին միջգերատեսչական աշխատանքային խումբը կքննարկի Ռազմավարական նախաձեռնությունների գործակալության ստեղծած «Ազգային տեխնոլոգիական նախաձեռնություն» ծրագրի իրականացումը, հայտնում է «Կոմերսանտ»-ը:
«Ազգային տեխնոլոգիական նախաձեռնություն» ծրագիրը նախատեսում է 2035-ին Ռուսաստանում ստեղծել ծրագրավորման ազգային լեզու, քվանտային կոմունիկացիների հիման վրա բացարձակ անվտանգ կապ, անօդաչու համակարգերի եւ տելեպորտացիայի նոր տեսակի կապի օպերատոր:
2018-2025 թթ. Ռուսաստանի մի շարք սուբյեկտներում կհայտնվեն 5G բջջային կապի ենթակառուցվածքներ, կիբերսպառնալիքներից պաշտպանության կենտրոններ, կիրականացվի քաղաքային տնտեսությունների կառավարման ազգային մտավոր համակարգ:
2025-2035թթ. հեղինակները պլանավորում են քվանտային հաշվարկներ, նեյրոինտերֆեյս, տելեպորտացիա ներդնել եւ ինֆորմացիայի փոխանակման համար օգտագործել բնությանը մոտ երեւույթները: