Կոդավորող ծրագրերի օգնությամբ հարձակումների թիվը մեկ տարվա ընթացքում աճել են 5.5 անգամ: Այս մասին են վկայում տեղեկատվական անվտանգության ոլորտում աշխատող «Կասպերսկիի լաբորատորիա» ընկերության տվյալները:
Կոդավորող վիրուսները մշակում են ֆայլերը՝ դրանք առանց հատուկ բանալու անընթեռնելի դարձնելով: Դրանց հասանելիություն ապահովելու համար օգտատիրոջն առաջարկվում է SMS հաղորդագրություն ուղարկել հատուկ համարին, ինչի համար խարդախները հաշվից գումար են հանում: Ընդ որում, տվյալների կոդավորման հետեւանքներն անհնար է վերանել օպերացիոն համակարգի վերբեռնման միջոցով:
«Կոդավորող ծրագրերի օգնությամբ հարձակման ենթարկված օգտատերերի թիվը աճել է 5.5 անգամ՝ 131 հազարից հասնելով 719 հազարի»,- նշված է «Կասպերսկիի լաբորատորիա»-ի հաղորդագրությունում:
Ըստ ՏԱՍՍ-ի, նախկինում խարդախները նախընտրում էին օգտագործել արգելափակող ծրագրերը, որոնք օպերացիոն համակարգի կամ բրաուզերի աշխատանքն արգելափակում էին հայտնվող պատուհանի միջոցով, որն առանց հատուկ կոդի չէր փակվում:
Ընդհանուր առմամբ, 2015 թվականի ապրիլից մինչեւ 2016-ի մարտն ընկած ժամանակահատվածում շորթող ծրագրերի հետ բախվել է 2.3 մլն օգտատեր ամբողջ աշխարհից, ինչը 18%-ով ավելի է նախորդող տարվա նույն ժամանակահատվածի համեմատ:
