Ալիգատորը, որը Օռլանդոյում՝ Walt Disney World ժամանցային այգում հարձակվել էր երկու տարեկան երեխայի վրա, ամենայն հավանականությամբ այն վեց ալիգատորներից մեկն է, որոնց հաջողվել է բռնել: Այս մասին հայտնել է Ֆլորիդայի ձկնային ռեսուրսների ու շրջակա միջավայրի պահպանության հանձնաժողովը:
Իր եզրակացության մեջ հանձնաժողովը հիմք է ընդունել փորձագետների տեսակետը, որոնք նշել են, որ երկու գիշատիչներին հաջողվել է որսալ հենց հարձակման վայրի շրջակայքում: ՄԻաժամանակ հանձնաժողովում ընդունել են, որ իրենց այդպես էլ չի հաջողվել պարզել, արդյոք իրենց բռնած ալիգատորներից մեկն է երեխայի մարդասպանը:
Գերատեսչության ներկյացուցիչը People ամսագրին հայտնել է, որ արդեն սպանել են այն ալիգատորին, որը ենթադրաբար հարձակվել էր երեխայի վրա:
Հունիսի 14-ին ժամանցային այգում ալիգատորը քաշել ջուրն էր տարել լճի ափին գտնվող երեխային: Որոնման աշխատանքներին միացել էին ոստիկանության ավելի քան 50 աշխատակիցներ, նաեւ ուղղաթիռ, որը լուսավորում էր լիճն ու նավակները: Գտել ու սպանել են չորս ալիգատորների: Դրանց մարմինները, որոնց երկարությունը երկու մետրի էր հասնում, հերձվել են ու ուսումնասիրվել:
Տղայի մարմինը գտել են մեկ օր անց նրա անհետացման վայրից 9-13 մետր հեռավորության վրա: Հունիսի 16-ին Ֆլորիդայի իրավապահ մարմինները հայտնել են, որ մտադիր չեն մեղադրանք առաջադրել երեխայի մահվան կապակցությամբ՝ գնահատելով դա որպես դժբախտ պատահար: