Հունիսի 23-ին, ժամը 15.28-ին տեղեկատվություն է ստացվել, որ Վայոց ձորի մարզի Եղեգնաձոր քաղաքի Ավագյան փողոցում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:

Դեպքի վայր են մեկնել մեկ մարտական հաշվարկ եւ մարզային ճգնաժամային կառավարման կենտրոնի օպերատիվ խումբը:

Պարզվել է, որ Ավագյան փողոցում «ԲՄՎ» մակնիշի 34 QS 414 պետհամարանիշով (վարորդ Ս. Ղ., ծնվ.1991թ) ավտոմեքենան դուրս է եկել ճանապարհի երթեւեկելի մասից եւ բախվել ծառին, ինչի հետեւանքով վարորդը եւ ուղեւորները Դ. Մ.-ն (ծնվ.1989թ.) եւ Վ. Մ.-ն (ծնվ.1985թ.) տարբեր աստիճանի մարմնական վնասվածքներով տեղափոխվել են Եղեգնաձոր քաղաքի Բ/Կ:

Ըստ բժիշկների Դ. Մ.-ի առողջական վիճակը գնահատվել է ծայրահեղ ծանր, իսկ Ս. Ղ.-ինը եւ Վ. Մ.-ինը՝ միջին ծանրության: