ՀՀԿ փոխնախագահ, ԿԳ նախկին նախարար Արմեն Աշոտյանը օրեր առաջ Բելգիայում ենթարկվել է հարձակման հենց հյուրանոցի մոտ։
Աշոտյանն այդ մասին գրառում է արել Երեւան վերադառնալուց հետո։ «Բելգիայի Լյուվեն քաղաքում իմ գտնվելու ընթացքում վերջին գիշերը հյուրանոցի մուտքի մոտ ենթարկվել եմ հարձակման: Բելգիական ոստիկանությունը ընթացք է տվել գործին:
Մտերիմներին եւ հարազատներին անհանգստություն չպատճառելու համար այս մասին մինչեւ Հայաստան վերադառնալը գերադասում էի չբարձրաձայնել:
Բարեբախտաբար, ստացվեց խուսափել մեծ ֆիզիկական վնասներից, չնայած նոր տարած վիրահատությունից հետո հենակներով էի եւ ոչ շարժունակ:
Թե չէ մի հատ էլ երկաթ իմ ոսկորների մեջ, ու ես հանգիստ կկարողանամ առանց քաստինգի մասնակցել Տերմինատորի հերթական նկարահանումներին»,- նշել է նա։
