Նորին Սրբություն Հռոմի Ֆրանցիսկոս Պապի Հայաստան կատարելիք պետական այցի շրջանակներում կազմակերպվող արարողակարգային միջոցառումների ժամանակ, հասարակական կարգի պահպանման եւ ճանապարհային երթեւեկության անվտանգության ապահովման նպատակով իրականացվող միջոցառումների շրջանակներում, ժամանակավորապես դադարեցվելու է երթեւեկությունը Երեւան, Գյումրի եւ Էջմիածին քաղաքների առանձին փողոցներում:

Մասնավորապես, կփակվեն հետեւյալ փողոցները.

ք. Երեւան

• Հունիսի 24-ին ժամը 18-ից փակ են լինելու Հանրապետության հրապարակ մուտք գործող փողոցները:

• Հունիսի 25-ին ժամը 9-ից փակ են լինելու Հանրապետության հրապարակ մուտք գործող փողոցները:

ք. Գյումրի

• Հունիսի 24-ի ժամը 10-ից մինչեւ հունիսի 25-ի ժամը 18-ը փակ են լինելու Վարդանանց հրապարակ մուտք գործող փողոցները:

ք. Էջմիածին

• Հունիսի 26-ին ժամը 7.30-ից փակ են լինելու Մայր Աթոռ Սուրբ Էջմիածին տանող փողոցները:

Ավելի վաղ NEWS.am-ը ներկայացրել էր Ֆռոմի Ֆրանցիսկոս Պապի այցի ժամանակացույցը, ըստ որի՝

Հունիսի 24-ին՝

ժամը 15:35-ին Մայր Աթոռ Սբ Էջմիածնում տեղի է ունենալու Հռոմի Ֆրանցիսկոս պապի Բարիգալստյան` հրաշափառի արարողությունը, որի մուտքը լինելու է ազատ:

Հունիսի 25-ին՝

Ժամը 10:00-ին Սուրբ և Անմահ պատարագ՝ Գյումրիի Վարդանանց հրապարակում: Հռոմի պապը նաև կայցելի Սբ Աստվածածին եկեղեցի և Սրբոց Նահատակաց հայ կաթողիկե Մայր տաճար:

Ժամը 18:00-ին Երևանում՝ Հանրապետության հրապարակում, տեղի կունենա էկումենիկ արարողություն և Խաղաղության Աղոթք:

Հունիսի 26-ին՝

ժամը 9:00-ին, Մայր Աթոռ Ս. Էջմիածնի բաց խորանում տեղի կունենա Սբ Պատարագի արարողությունը: Հովվապետերը նաև աղոթք կմատուցեն Խոր Վիրապի վանքում: