Ֆրանսիայի «Ազգային ճակատ» կուսակցության առաջնորդ Մարին Լե Պենը Թվիթերում աջակցություն է հայտնել ԵՄ–ից Մեծ Բրիտանիայի դուրս գալու կողմնակիցներին եւ շնորհավորել նրանց հաղթանակի կապակցությամբ;
«Հաղթեց ազատությունը։ Ինչպես ես տարիներ շարունակ ասել եմ, մենք պետք է նման հանրաքվե անցկացնենք Ֆրանսիայում եւ ԵՄ մյուս երկրներում»,– գրել է նա։
Հիշեցնենք, որ նախօրեին կայացած հանրաքվեի արդյունքում ԵՄ–ից Մեծ Բրիտանիայի դուրս գալու կողմնակիցները հաղթահարել են 16.7 մլն ձայնի շեմը:
Մեծ Բրիտանիայի դուրս կգա Եվրամիությունից՝ այդ միությունում 43 տարվա անդամակցությունից հետո: Բրիտանացիների 51.9 տոկոսը կողմ է քվեարկել ԵՄ-ից Մեծ Բրիտանիայի դուրս գալուն, իսկ դեմ՝ 48.1 տոկոսը: Հյուսիսային Իռլանդիայի եւ Շոտլանդիայի քաղաքացիները կողմ են արտահայտվել ԵՄ կազմում մնալուն։