ԱՄՆ նախագահի հանրապետական թեկնածու Դոնալդ Թրամփը հայտարարել է, որ բրիտանացիները վերադարձրել են երկրի նկատմամբ վերահսկողությունը՝ կողմ քվեարկելով ԵՄ կազմից Մեծ Բրիտանիայի դուրս գալուն, հայտնում է Reuters–ը։

Այս պահին Թրամփը Շոտլանդիայում մասնակցում է գոլֆ–ակումբի բացմանը։

Նախքան հանրաքվեն միլիարդատերը հայտարարել էր, որ կողմ է ԵՄ կազմից Մեծ Բրիտանիայի դուրս գալուն։

Հիշեցնենք, որ նախօրեին կայացած հանրաքվեի արդյունքում ԵՄ–ից Մեծ Բրիտանիայի դուրս գալու կողմնակիցները հաղթահարել են 16.7 մլն ձայնի շեմը:

Մեծ Բրիտանիայի դուրս կգա Եվրամիությունից՝ այդ միությունում 43 տարվա անդամակցությունից հետո: Բրիտանացիների 51.9 տոկոսը կողմ է քվեարկել ԵՄ-ից Մեծ Բրիտանիայի դուրս գալուն, իսկ դեմ՝ 48.1 տոկոսը: Հյուսիսային Իռլանդիայի եւ Շոտլանդիայի քաղաքացիները կողմ են արտահայտվել ԵՄ կազմում մնալուն։