Երեւանի Ջոն Կիրակոսյանի անվան №20 դպրոցի դիմացի հարթակը հունիսի 24-ին գրեթե դատարկ է: Այս դպրոցն այսօր հայկական մայրաքաղաքում ռուսերենից ՄՊՔ հանձնելու միակ կետն է:
Գնահատականների եւ թեստավորման կենտրոնի (ԳԹԿ) արտաքին կապերի բաժնի պետ Արա Իսպիրյանի խոսքով, այս տարի Երեւանում ռուսերենից ՄՊՔ հանձնելու հայտ է ներկայացրել 95 դիմորդ: Նրանցից քննության է ներկայացել 73-ը:
«22 դիմորդի բացակայության պատճառներն առայժմ հայտնի չեն: Բայց պրակտիկան ցույց է տալիս, որ դիմորդների մի մասը քննության չի գալիս նախորդ քննությունը տապալելու կամ հիվանդության պատճառով», - նշել է նա:
Ամբողջ Հայաստանում, հավելել է Իսպիրյանը, քննությանը մասնակցության հայտ է ներկայացրել մոտ 460 մարդ: Մեծամասնությունը Երեւանից է, Գյումրիից, Վանաձորից եւ Իջեւանից:
«Նրանք, ովքեր ռուսերենից ՄՊՔ են հանձնում, հիմնականում մտադիր են Բրյուսովի անվան լեզվաբանական համալսարան ընդունվել կամ էլ տնտեսագիտական համալսարան: Երեւանում հանձնողների մեծամասնությունն ապագա զինվորականներ են: Ռուսերենը նրանց անհրաժեշտ է ռուսական ռազմական բուհեր ընդունվելու համար», - եզրափակել է նա: