Ֆրանսիացի զինվորականին մահացած են գտել Փարիզի հնագույն հանրախանութում՝ Galeries Lafayette-ում: Նա մասնակցում էր հասարակական վայրերում անվտանգության ապահովման Sentinelle գործողությանը:
Զոհվածի մարմինը գտել են նկուղային հարկում, որը հատուկ հատկացված էր զինծառայողների հանգստի համար: Տեղական լրատվամիջոցները առաջ են քաշել ինքնասպանության վարկածը: Պաշտպանության նախարարության ներկայացուցիչները իրենց հերթին բացառել են զինվորականի վրա զինված հարձակման հավանականությունը, գրում է «Ռոսիյսկայա գազետան»:
Ֆրանսիայի կայարաններում զինվորական պարեկներ են հերթապահում Sentinelle հակաահաբեկչական համազգային ծրագրի շրջանակում: Այդ գործողությունը սկսվել է երկրի ամբողջ տարածքում ՝ 2015-ի հոնվարի 7-9-ը Փարիզում կատարված ահաբեկչություններից հետո:
