Եբր ունես բռնակալական մի երկիր, որը տարին մեկ ձերբակալում է նույն գործչին ամեն անգամ տարբեր մեղադրանքներով, երբ այդ գործիչը Եվրոպական դատարանում իր անմեղությունը ապացուցել է, հարց է ծագում՝ ինչո՞ւ են դա անում: Այս մասին NEWS.am-ի հետ զրույցում ասաց Հիմնադիր խորհրդարանի անդամ Գարեգին Չուգասզյանը՝ արձագանքելով այն գործիչների մեկնաբանություններին, թե Ժիրայր Սեֆիլյանը այն քաղաքական դեմքը չէ, որից վախենալու պատճառով պիտի իշխանությունը նրան ձերբակալեր:
«Եթե ուրիշի մասին այդպիսի կարծիք են հայտնում, իրենք պետք է լինեն իսկական քաղաղաքական գործիչներ, չէ՞, էդ դեպքում իրենց հակադարձում եմ հետեւյալ հարցով՝ ինչո՞ւ է Ժիրայր Սեֆիլյանի նկատմամբ ապօրինի երեք անգամ բռնություն իրականացվում: Բոլորը գիտեն, որ Ժիրայրը կոտրվող տեսակը չէ եւ իրեն հերթական մեղադրանքով ու ճնշումներով կոտրել հնարավոր չէ: Նա ե´ւ ռազմի դաշտով է անցել, ե´ւ ապօրինի ռեժիմի բանտերով: Այս դեպքում հարց է ծագում՝ ինչու է դա արվում, այ այստեղ բացահայտվում է նրա քաղաքական գործիչ լինելը»,-ասաց Գարեգին Չուքասզյանը:
Ըստ նրա՝ ձերաբակալությունը լավագույնս բացահայտում է, որ իշխանությունները փորձում են Ժիրայր Սեֆիլյանին հետ պահել քաղաքական գործունեությունից՝ այդպիսով փորձելով վախեցնել նրանց, որոնք կհամարձակվեն գործ ունենալ իր ձեւավորած շարժման հետ:
Ինչ վերաբերում է այն հրապարակումներին, որ Սեֆիլանի՝ զենքի շրջանառության առնչության վերաբերյալ կան փաստող ձայնագրություններ, նշեց:
«Ով նման բան է ասում, պիտի բացատրի, թե որտեղից իրեն այդ նախաքննական ցուցմունքը, ուրեմն գաղտնիք է, չէ՞ խախտվել, մենք գիտենք՝ մեզ մոտ ոնց են խախտվում այդ գաղտնիքները: Մեզ մոտ օրենքի առաջ բոլորը հավասար չեն, իրենց պետք է այդ հարցը ուղղել՝ ի՞նչ իրավունք ունեն այդ գաղտնիքին տեղեկանալու, եթե չեն մասնակցել հաշվեհարդարի սցենարը գրելուն»:
«Իշխանությունը ուզում է՝ դիմադրության կոմիտեն վերածվի հանուն Ժիրայրի պաշտպանության շարժման, Ժիրայրին վերագրելով զենքի ուժով հեղաշրջում անող կերպար, այս հաշվարկը իրականում հակառակ էֆեկտն է տալու: Ժիրայրը մարտի դաշտում հերոս է եղել: Ինչ վերաբերում է բուն շարժմանը, ապա այն զբաղվելու է այն գործով, ինչով Ժիրայրը պիտի զբաղվեր, մենք շարունակելու ենք այդ գործը եւ Ժիրայրի ազատագրության համար մեր պայքարը լինելու է այդ շարժման մաս»:
Հիշեցնենք, որ դեռեւս մայիսի վերջին «Շուշիի առանձնակի գումարտակի ազատամարտիկների միավորում» հասարակական կազմակերպությունը Ազգային դիմադրության կոմիտե ձևավորելու վերաբերյալ հայտարարությամբ էր հանդես եկել: Կոմիտեն պետք է ղեկավարեր Ժիրայր Սեֆիլյանը:
Նրա համախոհները կարծում են, որ իշխանությունները Սեֆիլյանին ձերբակալել են այդ շարժումը տապալելու նպատակով:
Հիշեցնենք՝ 2016թ. հունիսի 20-ին ձերբակալվել է Ժիրայր Սեֆիլյանը՝ մի խումբ անձանց կողմից ապօրինի կերպով զենք եւ ռազմամթերք ձեռք բերելը, փոխադրելը եւ պահելը կազմակերպելու կասկածանքով։
Ժիրայր Սեֆիլյանը կալանավորված է, նախաքննությունը շարունակվում է:
