Մաքուր օդին զբոսանքները նվազեցնում են դեպրեսիայի առաջացման վտանգը, համարում են Քվինսլենդի համալսարանի գիտնականները:
Նրանց կարծիքով անտառներում ու այգիներում ժամանակ անցկացնելը մարդու առողջության վրա բարերար ազդեցություն է թողնում:
Եվ այսպես, շաբաթական ընդամենը 30 րոպե զբոսանքը կանաչ գոտում նվազեցնում է դեպրեսիայի, սթրեսի ու սրտանոթային համակարգի հիվանդությունների զարգացման հավանականությունը:
Գիտնականները ուշադրություն են հրավիրում նաեւ այն հանգամանքին, որ մաքուր օդին զբոսանքները կարող են նվազեցնել մունիցիպալ իշխանությունների ծախսերը, որոնք ուղղված են սթրեսներից ու սրտանոթային հիվանդություններից բնակիչների բուժմանը:
«Ինֆորմինգը» հայտնում է, որ այդ կարիքների համար Ավստրալիայում տարեկան 12.6 մլրդ դոլար է հատկացվում:
