Գեղարքունիքի մարզի Վարսեր գյուղում այսօր՝ հունիսի 27-ի գիշերը Պետրոսյանների ցախանոց բռնկված հրդեհը, նախնական տվյալով, հոսանքի կարճ միացման հետեւանք է եղել: Այս մասին NEWS.am-ին հայտնեց ընտանիքի անդամներից մեկը:
«Մեր պահեստն էր, ինչ ունեինք, այնտեղ էր, ամբողջովին այրվել է: Փեթակներն ամբողջությամբ այրվել են»,- ասաց նա: Նշենք, որ ըստ ԱԻՆ հաղորդագրության՝ ամբողջությամբ այրվել են ցախանոցի տանիքի փայտյա կառուցատարրերը (մոտ 25 քմ), կուտակված վառելափայտ, աթար (մոտ 5 խմ) եւ մեղվի երկու փեթակ։ Հրդեհը մեկուսացվել է ժամը 05.28-ին, մարվել՝ 07.28-ին: