«Չորրորդ իշխանություն» թերթը գրում է․ <Թուրքիայի նախագահ Էրդողանը նամակ է գրել Ռուսաստանի նախագահ Պուտինին եւ ներողություն խնդրել ռուսական «Սու-24» ինքնաթիռի կործանման համար։
«ՉԻ» - Այ այստեղ մենք «քաշվանք»։ Իսկ ամեն ինչ այնքան լավ էր սկսվել․․․
Ազգային-ազատագրական քաղաքական միտքն արդեն երազում էր, թե ինչպես է Ժիրինովսկին ազատագրելու Արեւմտյան Հայաստանը, ազգային, բայց ոչ այնքան ազատագրական բիզնես-շրջանակները տենդագին հաշվում էին, թե քանի տոննա պոմիդոր-վարունգ են վաճառելու ռազմավարական դաշնակցին՝ օգտվելով թուրքական ապրանքների ներկրման արգելքից եւ այլն։ Ու հանկարծ պարզվում է, որ իզուր էինք ոգեւորվել․ սրանք էլի իրար հետ լեզու գտան։ Ու մեծ է հավանականությունը, որ Հայաստանը հերթական անգամ կտուժի այդ «մերձեցումից»։
Մնում է հուսալ, որ որպես պատասխան ժեստ՝ Ռուսաստանը Հայաստանին չի ստիպի Թուրքիայից ներողություն խնդրել, ասենք, Հռոմի Պապի այցի կամ ապրիլյան պատերազմի օրերին մի քանի ադրբեջանական անօդաչու խփելու համար»։
Առավել մանրամասն՝ թերթի այսօրվա համարում
