Բեալռուսը դիմել է ԵՏՀ–ին՝ խնդրելով մասամբ սահմանափակել Մոլդովայի հետ ԵՏՄ–ի ազատ առեւտրի ռեժիմը, եթե այդ երկիրը չհանի ԱՀԿ անդամ չհանդիսացող պետություններից տարածքից շաքարի ներկման արգելքը (ԵՏՄ երկրների թվում դա միայն Բելառուսն է), գրում է «Կոմերսանտ»–ը։
Տեղական արտադրողների աջակցության համար Մոլդովայի իշխանությունները եռամսյակային քվոտա են սահմանում նման ներմուծման համար։ Դրա համար անհրաժեշտ է նաեւ ծագման վկայագիր եւ արտադրող երկրի մատնանշմամբ արձանագրություն, որը տրվում է ԵՄ երկրներում հավատարմագրված լաբորատորիաների կողմից։ «Ներմուծման արտոնագիր չեն տալիս, եթե ապրանքի գինը բոլոր հարկերն ու տուրքերը հանելուց հետո 20 տոկոսով ավելի ցածր է, քան ներքին շուկայում միջին եռամսյակային գները»,– ասել է թերթի աղբյուրը։
Բելառուսական կողմն առաջնորդվում է այն հանգամանքով, որ այդ պահանջը խախտում է ԱՊՀ–ում ապրանքների ծագման երկրի նշման մասին օրենքը։
Թերթը նշում է, որ սահմանափակումները սահմանվել էին դեռ 2009-ին, սակայն հենց վերջին 2 տարիներին է մատակարարումների էական անկում գրանցվել։
Եթե Մոլդովան դուրս գա ազատ առեւտրի ռեժիմից, կարող են տուժել նաեւ մյուս արտահանողները։ International Trade & Integration հետազոտական կենտրոնի հաշվարկով՝ Մոլդովա արտահանման ընդհանուր ծավալը կազմում է 1.2 մլրդ դոլար, իսկ ներմուծումը՝ 402 մլն դոլար։