ԵՄ կազմից դուրս գալու հանրաքվեից հետո Մեծ Բրիտանիայում կտրուկ աճել է Իռլանդիայի քաղաքացիություն ստանալ ցանկացողների թիվը, գրում է The Guardian–ը։
Թերթը նշում է, որ «իռլանդական անձնագրեր ստանալը» դարձել է վերջին օրերին Google–ում ամենահաճախ հանդիպող հարցումը։
Բացի այդ, Իռլանդիայի ԱԳՆ–ն հայտարարել է, որ Իռլանդիայի քաղաքացիություն ստանալ ցանկացող բրիտանացիների դիմումների թիվն էապես աճել է։ Մեծ Բրիտանիայի որոշ փոստային բաժանմունքներում սպառվել են դիմումի բլանկերը։
Թերթը նշում է, որ մոտ 5 մլն բրիտանացի, որոնց նախնիները իռլանդացիներ են, իրավունք ունեն ստանալ Իռլանդիայի անձնագիր։
Թերթը նաեւ տեղեկություններ ունի, որ աճել է ԵՄ այլ պետությունների քաղաքացիություն ստանալ ցանկացողների թիվը։