Volkswagen ընկերությունը պլանավորում է 14.7 մլրդ դոլար ուղղել ԱՄՆ–ում «դիզելային սկանդալի» կարգավորման համար, հայտնում է Associated Press–ը։
Ընդ որում, ավտոկոնցեռնի յուրաքանչյուր հաճախորդ 5.1 դոլարից մինչեւ 10 հազար դոլար փոխհատուցում կստանա։ Դրանից բացի, ընկերությունը 10 մլրդ դոլարի չափով մեքենաներ կվերանորոգի կամ կգնի 475 հազար անսարք մեքենա։
Ավելի վաղ հաղորդվում էր, որ Volkswagen–ը 10.2 մլրդ դոլար է վճարելու ԱՄՆ–ում իր մեքենաների դիզելային մոդելների գնորդներին։
Հիշեցնենք, որ «դիզելային սկանդալը» ծագել էր անցյալ տարվա սեպտեմբերին, երբ ԱՄՆ իշխանությունները բացահայտել էին, որ գերմանական ավտոկոնցեռնը հատուկ ծրագիր է տեղադրել մեքենաների վրա, որը նվազեցնում է վնասակար արտանետումների ցուցանիշը։