Ադրբեջանի ոստիկանության Ագդաշի շրջանային ստորաբաժանումն իր վերահսկողության տակ է վերցրել Գոշագովագ գյուղը, որտեղ ոստիկանական անցակետեր են տեղակայվել, հայտնում է Report–ը՝ վկայակոչելով գյուղապետ Ջեբրայիլ Հաշիմովին։
Նա նշել է, որ ոստիկանությունը սահմանափակել է երեկոյան ժամերին մուտքը գյուղ։ «Գյուղում իրոք ինչ–որ մեկը քայլում է։ Բայց դա ոչ թե ինչ–որ էակ է, այլ մարդ։ Մինչեւ հիմա նա ոչի մեկին չի վնասել եւ գողություն չի արել։ Բայց ամեն դեպքում, չնայած այդ մարդն անվնաս է, այդուհանդերձ մարդկանց վախեցնում է»,– ասել է գյուղապետը։
Գյուղի բնակիչ Իլհամ Էյուբովի խոսքով՝ տարբեր հասակով եւ արտաքինով մարդիկ գիշերային ժամերին քայլում են գյուղում։ «Մենք բազմիցս փորձել ենք բռնել նրանց, բայց նրանք հեշտությամբ փախչում են փշալարերի եւ բարձր ցանկապատների վրայով»,– ասել է նա։
