«Հ2» հեռուստաընկերությամբ հեռարձակվող «Պահմտոցի» հաղորդաշարի հեղինակ եւ վարող, 51-ամյա Սարգիս Միքայելյանը Թավրիզյան 45 հասցեի իր տան տանիքը վերանորոգելու ժամանակ վայր է ընկել։
Shamshyan.com-ի փոխանցմամբ, բարեբախտաբար ճանաչված հաղորդավարի կյանքին վտանգ չի սպառնում: Թեւերի մասում նա ստացել է կապտուկներ եւ հրաժարվել է հիվանդանոցային բուժումից:
«Մի քանի օր առաջ ուժեղ քամին վնասել էր բազմաթիվ տանիքներ: Դրանից հետո Արաբկիր վարչական շրջանի ղեկավար Հովհաննես Վարդանյանն օգնեց շիֆերների հարցով ու երեկ փորձում էի վերանորոգել, սակայն անզգուշաբար վայր ընկա: Հիմա լավ եմ, մի քանի դեղեր են նշանակել բժիշկները, պետք է ներարկվեմ»,-ասել է նա: