ԱՄՆ-ի առաջին տիկին Միշել Օբաման Լիբերիայում եւ Մարոկկոյում վեցօրյա շրջագայության է մեկնել բարեգործական ծրագրի շրջանակում, որը կոչված է զարգացող երկրներում անչափահաս աղջիկներին օգնելու որակլյալ կրթություն ստանալ, հայտնում է People-ը:
Օբաման պատմել է, որ Աֆրիկայում շրջագայության է մեկնել մոր եւ դուստրերի` Սաշայի եւ Մալիայի հետ:
«Մենք նախագահին տանն ենք թողել, որովհետեւ նա տղա է», — հավելել է առաջին տիկինը:
Նախագահի ընտանիքին դիմավորել են Լիբերիական ժողովրդական խորհրդի ներկայացուցիչները եւ երկրի կառավարության բարձրաստիճան անդամներ: Դրանից հետո նրանք հանդիպման են մեկնել Լիբերիայի առաջին կին նախագահ Էլեն Ջոնսոն-Սերլիֆի հետ:
Նշվում է, որ առաջին տիկինն աղջիկներին իր հետ է վերցրել նրանց աշխարհ ցույց տալու, որ տեսնեն, թե Աֆրիկայում աղջիկների համար ինչ դժվար է կրթություն ստանալը:
Օբաման ուղեւորության լուսանկարները հրապարակել է իր ինստագրամում:
