Եվրոխորհրդարանը արտահերթ նստաշրջանի ընթացքում ընդունել է բանաձեւ, որը պարունակում է ԵՄ կազմից Մեծ Բրիտանիայի դուրս գալու գործընթացը սկսելու կոչ, հայտնում է SkyNews–ը:
Բանաձեւի վերաբերյալ քվեարկությունը անցել է հունիսի 28-ին, Բրյուսելում:
Ավելի վաղ Եվրահանձնաժողովի ղեկավար Ժան Կլոդ Յունկերը Մեծ Բրիտանիային կոչ էր արել հնարավորինս շուտ հստակեցնել Brexit–ի վերաբերյալ իր դիրքորոշումը, որպեսզի հնարավոր լինի խուսափել անորոշությունից: Մինչդեռ Յունկերը նաեւ խոստովանել էր, որ ԵՄ-ից Մեծ Բրիտանիայի դուրս գալու մասին հանրաքվեի արդյունքները տխրեցրել են իրեն:
