Լոս Անջելեսի դատարանը հայ եղբայրներին մեղավոր է ճանաչել սպանության եւ առեւանգման մեջ, որն իրականացվել է՝ ավագ եղբոր նախկին սիրեկանի 2.5 մլն դոլարի չափով ապահովագրության գումարը յուրացնելու նպատակով:
37-ամյա Հովհաննես «Ջոն» Մասկովյանն ու 31-ամյա Խաչիկ «Քրիս» Մասկովյանը մեղադրվում են ավագ եղբոր նախկին սիրեկանին՝ Ջոշուա Ուեսթին առեւանգելու եւ սպանելու համար:
Ըստ «Los Angeles Times»-ի, 2013 թվականին եղբայրները Ուեսթին Սան Վալլի են տարել եւ սպանել, որտեղ էլ հայտնաբերվել է զոհի մարմինը:
Ուեսթի քրոջ խոսքով, եղբայրը Հովհաննես Մասկովյանի հետ հանդիպել է 7 տարի: Նրանք բաժանվել են 2012 թվականին, սակայն շարունակել են միասին բնակվել Գլենդելի իրենց բնակարանում:
Գործով երրորդ կասկածյալը՝ Նազարեթ «Նիք» Բայամաջյանը, սպասում է իր դատավճռին: