Բրիտանիայի թագուհի Եղիսաբեթ II-ը Հյուսիսային Իռլանդիայում այցելել է Հսկաների ճանապարհ, հայտնում է Daily Mail-ը: Խոսքը բնության հուշարձանի մասին է, որն իրենից ներկայացնում է 40 հազար իրար միացած բազալտային սյուներ, որոնք առաջացել են հրաբխի ժայթքումից հետո: Հենց այնտեղ են ընթացել «Գահերի խաղ» սերիալի որոշ նկարահանումներ, հայտնում է Gazeta-ն:
Եղիսաբեթ II-ը շրջանի հյուսիսային առափնյա հատվածով իր շրջագայության ընթացքում ուսումնասիրել է բնության տեսարժան վայրը: Նրան ուղեկցում է ամուսինը` Էդինբուրգի դուքսը:
Ուղեւորությունը նվիրված է Նորին Մեծության 90-ամյակին:
Թերթը նշել է, որ Հսկաների ճանապարհը միշտ ժողովրդականություն է վայելել զբոսաշրջիկների շրջանում, բայց վերջին տարիներին դրա հանդեպ հետաքրքրությունն ավելի է աճել «Գահերի խաղի» պատճառով:
Եղիսաբեթ II-ը, որը 2014-ին ամուսնու` Էդինբուրգի դուքս Ֆիլիպի հետ այցելել էր «Գահերի խաղի» նկարահանման հրապարակ, չէր ցանկացել նստել հանրահայտ Երկաթե Գահին: