Facebook-ի հիմնադիր Մարկ Ցուկերբերգի հարեւաններին զայրացրել է Հավայիում նրա առանձնատան շուրջ կառուցված երկու մետրանոց պարիսպը: Այս մասին գրում է Daily Mail-ը:

Տեղի բնակիչների խոսքով, պատը ճնշող տեսք ունի եւ փակում է օվկիանոսի տեսարանը:

Ցուկերբերգը Կաուաի կղզում անշարժ գույք է ձեռք բերել 2014 թվականին՝ դրա համար 100 հազար դոլար վճարելով: Դրանից հետո նա 30 մլն դոլարով գնել է հարակից տարածքները եւ պարիսպ կառուցել, քանի որ որոշել է հնարավորինս առանձնացած վայր ստեղծել հանգստի համար: