Եվրամիության կազմից Մեծ Բրիտանիայի դուրս գալու մասին որոշումից կարելի էր խուսափել, եթե բրիտանական երիտասարդությունն ակտիվորեն մասնակցեր հանրաքվեին: Այս մասին Dialogue on Berlin համաժողովում հայտարարել է Գերմանիայի ԱԳ նախարար Ֆրանկ-Վալտեր Շթայնմայերը:
«Ճիշտ կլիներ մատնանշել, որ Մեծ Բրիտանիայի երիտասարդությունը հիմնականում հանդես է եկել ԵՄ-ին անդամակցության օգտին: Ճշմարտություն է նաեւ այն, որ եթե բրիտանական երիտասարդությունը գնար քվեարկության, հնարավոր կլիներ խուսափել նման որոշումից»,- ասել է Շթայնմայերը:
Ըստ ՌԻԱ Նովոստիի, նա հավելել է, որ քաղաքականությունը կայանում է ոչ միայն «գաղափարների փոխանակման, այլեւ պայքարի մեջ այն հարցում, թե ինչ եք ուզում»:
