Ստամբուլի Աթաթուրքի անվան օդանավակայանում հնչած պայթյունների պատճառով հունիսի 29-ին հետաձգվել են Աթենքից Ստամբուլ ավիաչվերթները, հայտնում է «ՌԻԱ Նովոստին»:
Մինչ այդ հայտնում էին, որ Ստամբուլի օդանավակայանը փակվել է մինչեւ հունիսի 29-ի երեկոյան ժամը ութը, դրա հետեւանքով չեղարկվել են բոլոր չվերթները, հայտնել է «Էգեյան ավիաուղիներ» ավիաընկերությունը: Ավելի ուշ Թուրքիայի վարչապետը հայտնել էր օդանավակայանի աշխատանքների վերսկսման մասին:
Հունիսի 28-ին երեկոյից սկսած չեղարկվել են «Թուրքական ավիաուղիների» Աթենք Ստամբուլ մի քանի չվերթներ: Ըստ ամենայնի, ավիաընկերությւոնը չի բացառում, որ օդանավակայանը մի քանի օր փակ կլինի:
Ուղեւորները, որոնք տոմսեր ունեն դեպի Ստամբուլ, կամ Ստամբուլից մինչեւ հուլիսի 6-ը ներառյալ ժամկետով, կարող են վերադարձնել իրենց տոմսերը ու հետ ստանալ դրանց արժեքը, կամ էլ փոխել թռիչքի օրը, հայտնել են «Էգեյան ավիաուղիներից»:
Չեղարկվել են նաեւ Սալոնիկից Ստամբուլ բոլոր ավիաչվերթները:
