Ավելի քան 4 մլն մարդ է ստորագրել Եվրամիությունից Մեծ Բրիտանիայի դուրս գալու մասին հանրաքվեի վերանայման խնդրագիրը, հայտնում է «ՌԻԱ Նովոստի»–ն։
Խնդրագիրը տեղադրվել է Մեծ Բրիտանիայի խորհրդարանի կայքում։ Խորհրդարանում քննարկվելու համար այն պետք է 100 հազար ստորագրություն հավաքի։ Կայքում նշվում է, որ 4 օրից խնդրագրին պատասխան կտրվի, որը կհրապարակի Կառավարությունը։ Նույն օրն էլ կորոշվի խորհրդարանում խնդրագրի քննարկման օրը։
«Մենք կառավարությանը կոչ ենք անում կիրառել կանոնը, որի համաձայն, եթե Եմ կազմից դուրս գալուն կողմ կամ դեմ քվեարկածների թիվը 60 տոկոսից պակաս է եղել, իսկ մասնակցությունը չի հատել 75 տոկոսի շեմը, ապա պետք է անցկացվի եւս մեկ հանրաքվե»,– ասված է փաստաթղթի տեքստում։
