Հռոմի Ֆրանցիսկոս Պապը դատապարտել է Ստամբուլի օդանավակայանում նախօրեին երեկոյան տեղի ունեցած ահաբեկչությունը, հայտնում է «ՌԻԱ Նովոստի»–ն։
«Երեկ երեկոյան Ստամբուլում անմարդկային ահաբեկչական հարձակում է տեղի ունեցել, որի հետեւանքով սպանվել եւ վիրավորվել են բազմաթիվ մարդիկ։ Աղոթենք զոհերի համար, նրանց ընտանիքի անդամների համար եւ թանկագին թուրք ժողովրդի համար»,– ասել է պոնտիֆիկոսը՝ Առաքյալների պալատից դիմելով Սուրբ Պետրոսի հրապարակում հավատացյալներին։
Այս կապակցությամբ Ֆրանցիսկոս Պապը Աստծուն խնդրել է պաշտպանել խաղաղության ճանապարհին մեր քայլերը։
Հիշեցնենք, որ հունիսի 28-ի ուշ երեկոյան Ստամբուլի Աթաթուրքի անվան օդանավակայանում ահաբեկչության հետեւանքով վիրավորների թիվը հասել է 239–ի, իսկ 41 սպանվածների մեջ 13 օտար երկրների քաղաքացիներ կան։